Sunday , July 5 2020

បញ្ជីម្ហូបខ្មែរ

បញ្ជីម្ហូបខ្មែរ ឬ អាហារខ្មែរ មានរសជាតិឆ្ងាញ់ហើយមានដើមកំណើតតាំងពីមុខសម័យអង្គរ។​ ម្ហូបខ្មែរ មានអាចចម្អិនតាមរបស់ សម្ល ចៀន អាំង ស៊ុប គុយទាវ និង បង្អែមខ្មែរ ។

ខសាច់គោជាមួយឆៃថាវ – ម្ហូបខ្មែរ

ខសាច់គោជាមួយឆៃថាវ – ម្ហូបខ្មែរ

ខសាច់គោជាមួយឆៃថាវ គឺជាមុខ ម្ហូបខ្មែរ ដ៏ពិសេសម្យ៉ាងដែលប្រជាជនចូលចិត្តចម្អិនសម្រាប់កម្មវិធិធំៗ ដូចជាចូលឆ្នាំ ជួបជុំបងប្អូន គេក៏អាចប្រើ កន្ទុយគោ ជំនួសសាច់គោកក៏បាន។ គ្រឿងផ្សំអាហារខ្មែរ ៖ ខសាច់គោជាមួយឆៃថាវ ប្រេងឆាចំនួន២ស្លាបព្រា ខ្ទឹមសចិញ្ចាំចំនួន៤ក្លែប ខ្ទឹមបារាំងហាន់ចំនួន១ សាច់ភ្លៅគោកាត់ជាដុំចំនួន 0.5 kg ទឹកស៊ីអីវចំនួន១ស្លាបព្រា ទឹកត្រីចំនួន១ស្លាបព្រា ស្ករចំនួន១ស្លាបព្រា អំបិលចំនួន១ស្លាបព្រាកាហ្វេ ម្រេចចំនួន១ស្លាបព្រាកាហ្វេ ម្សៅស៊ីនណាម៉ន (cinnamon powder) ចំនួន១ស្លាបព្រាកាហ្វេ ទឹកចំនួន៦កែវ ទឹកប៉េងប៉ោះចំនួន១ស្លាបព្រា ដំឡូងចិតសំបកហើយកាត់ជាដុំចំនួន៣ ឆៃថាវចិតសំបកចេញរួចកាត់ជាដុំចំនួន 0.8 kg ស្ពៃសែឡឺរីកាត់ជាកង់ៗចំនួន១បាច់ របៀបធ្វើ កំដៅឆ្នាំងសម្ល ពេលឆ្នាំងសម្លក្តៅហើយ ដាក់ប្រេងឆា ខ្ទឹមស ខ្ទឹមបារាំងនិងសាច់គោរួចច្របល់ឱ្យល្អ ថែមគ្រឿងលើសាច់ដោយដាក់ទឹកស៊ីអីវ ទឹកត្រី ស្ករ អំបិល ម្រេចនិងម្សៅស៊ីនណាម៉នរួចច្របល់ឱ្យល្អ ដាក់ទឹកនិងទឹកប៉េងប៉ោះរួចកូរហើយបន្តស្ងោរហូតដល់សាច់គោឆ្អិនល្អ ដាក់ដំឡូង ឆៃថាវ និង ស្ពៃសែឡឺរីកូរច្របល់ …

អានបន្ត »

ខ្ទិះដូង – ម្ហូបខ្មែរ

ខ្ទិះដូង – ម្ហូបខ្មែរ

ប្រជាជនខ្មែរចូលចិត្តប្រើ ខ្ទិះដូង ក្នុងការធ្វើម្ហូបអាហារប្រចាំថ្ងៃ ហើយវាជាគ្រឿងផ្សំដែលអាចប្រើបានសម្រាប់ធ្វើអាហារបានច្រើនមុខ។ ភាគច្រើនខ្ទិះដូង ត្រូវបានគេ យកទៅបន្ថែមជាមួយនឹងបង្ហែម ដើម្បីបង្កើននូវ រស់ជាតិឈ្ងុយប្រហើរ មិនតែប៉ុនណោះ ខ្ទិះដូងក៏មាន ប្រយោជន៍យ៉ាងច្រើន ចំពោះសរសៃសក់ផងដែរ។ ចំណាំ៖ ខ្ទិះ​ដូង ដែលគេនិយម​យក​មកប្រើប្រាស់ ជា​គ្រឿងផ្សំ​ដាក់​នៅក្នុង​អាហារ និង​បង្អែម​សម្រាប់​ញ៉ាំ ត្រូវបាន​គេ​ប្រើប្រាស់ ដើម្បី​ថែរក្សា​សម្រស់ សក់​និង​ស្បែក​ផងដែរ​។ ​ខ្ទិះដូង​ មាន​សមត្ថភាព ជួយ​ប្រឆាំង​ភាព​ចាស់ ធ្វើឲ្យ​ស្បែក​របស់អ្នក​ទន់និ​ងរលោង វា​មាន​សារធាតុ​អង់​ទី​អុក​ស៊ីដង់ និង ប្រឆាំងនឹង​ការ​រលាក​ផងដែរ​៕ គ្រឿងផ្សំអាហារខ្មែរ ៖ ខ្ទិះដូង ខ្ទិះដូងមួយកែវធំ ឬ មួយកំប៉ុង ឬដូងទុំមួយផ្លែ  ស្ករសកន្លះស្លាបព្រា ម្សៅពោតមួយស្រាបព្រា អំបិលកន្លះស្លាបព្រាតូច របៀបធ្វើ យកដូងទំុមកកោរយកតែសាច់ដូង ច្របាច់យកតែទឹកខ្ទិះដាក់ក្នុងចាន យកស្បៃច្រោះយកតែទឹកខ្ទិះចេញ លាយគ្រឿងផ្សំទាំងអស់ក្នុងឆ្នាំងរួចកូរវាច្របល់គ្នារហូតដល់វាមានសភាពគោកស្វិត កត់សម្គាល់ មានអ្នកខ្លះចូលចិត្តយកខ្ទិះដូងបន្ថែមលើបង្អែមដើម្បីថែមរសជាតិ ដូចជាបង្អែមចេកខ្ទិះ បង្អែមគ្រាប់ត្នោត…។ អ្នកខ្លះទៀតចូលចិត្តយកខ្ទិះដូងមកថែរក្សាសម្រស់ សក់​និង​ស្បែក​ផងដែរ ព្រោះវាធ្វើឲ្យ​ស្បែក​របស់អ្នក​ទន់និ​ងរលោង។ …

អានបន្ត »

ស៊ុបពោះត្រីជាមួយសាច់ក្តាម – ម្ហូបខ្មែរ

ស៊ុបពោះត្រីជាមួយសាច់ក្តាម – ម្ហូបខ្មែរ

ស៊ុបពោះត្រីជាមួយសាច់ក្តាម គឺជាសម្លឬស៊ុបដែលមានតំលៃបំផុតដែលអ្នកតែងតែឃើញក្នុងតែពិធីការប៉ុណ្ណោះ ដោយសារព្រុយត្រីឆ្លាមកាន់តែកម្រហើយមានតំលៃថ្លៃ ជាទូទៅប្រជាជនប្រើពោះត្រីជំនួសវិញដែលមានតំលៃថោកជាង។ មនុស្សចំនួនមិនចូលចិត្តបរិភោគពោះត្រីទេ ដោយគិតថាវាមិនស្អាតនិងមានក្លិនឆ្អាប ប៉ុន្តែបើសិនជាអ្នកសំអាតវាដោយយកចិត្តទុកដាក់នោះវានឹងក្លាយជាអាហារដែលមានរស់ជាតិឆ្ងាញ់បំផុត ក្នុងអាហារនេះយើងប្រើពោះត្រីគ្រាមជំនួសវិញ។ គ្រឿងផ្សំអាហារខ្មែរ ៖ ស៊ុបពោះត្រីជាមួយសាច់ក្តាម ត្រាំពោះត្រីក្នុងទឹកក្តៅល្មមហើយសម្អាតនិងកាត់ជាដុំតូចៗល្មមចំនួន៨ពោះ ដំុសាច់ក្តាមកំប៉ុងចំនួន៦ដុំ ប្រហិតសាច់ក្តាមចំនួន៣ដុំ មិនបាច់ដាក់បាន ទឹកស៊ុបមាន់កំប៉ុងចំនួន២កំប៉ុង ទឹកចំនួន១កែវ ខ្ញីចំនួនកន្លះកូនស្លាបព្រាតូច ខ្ទឹមបារាំងចិញ្ចាំរួចចំនួនកន្លះផ្លែ ស្លឹកខ្ទឹមហាន់រួចចំនួន១កូនចានតូច ផ្សិតចំបើងចំនួន១០ផ្សិត បន្លែចំរុះចំនួនកូនចាន ទឹកប្រេងខ្យងកន្លះស្លាបព្រា អំបិលចំនួនកន្លះស្លាបព្រា ប្រេងស៊ីសេម​ (sesame oil) ចំនួនកន្លះស្លាបព្រា ស្ករចំនួន១ស្លាបព្រា ម្រេចចំនួន១កូនស្លាបព្រា ម្សៅពោតចំនួន១ស្លាបព្រា ទឹកចំនួន២ស្លាបព្រា ស៊ុតចំនួន២ ស្លឹកខ្ទឹមហាន់រួចចំនួន១កូនចានតូច ប្រេងឆាចំនួន១ស្លាបព្រា របៀបធ្វើ លាយម្សៅពោតជាមួយទឹក២ស្លាបព្រារួចទុកនៅម្ខាង កំដៅឆ្នាំងស៊ុប នៅពេលឆ្នាំងក្តៅហើយដាក់ប្រេងឆាចូល ដាក់ខ្ទឹមស ខ្ទឹមបារាំង ខ្ញីនិងពោះត្រីគ្រាមចូលរួចកូររហូតដល់ប្រែពណ៌ត្នោត តែប្រយ័ត្នខ្លោច ចាក់ទឹកស៊ុបមាន់កំប៉ុងចូល ហើយស្ងោនឹងភ្លើងតិចៗរហូតដល់ពោះត្រីផុយឆ្អិនល្អ ដាក់បន្លែនិងផ្សិតចំបើងចូល ចំអិនរហូតដល់បន្លែឆ្អិនល្អ បំបែកស៊ុតចូលរួចកូរឲ្យស៊ប់ល្អ ដាក់ទឹកម្សៅពោតនិងប្រហិតសាច់ក្តាមចូលហើយច្របល់ឲ្យល្អ ថែមគ្រឿងជាមួយស្ករ …

អានបន្ត »

សម្លការីខៀវត្រីសាម៉ុងនិងក្រអៅឈូក – ម្ហូបខ្មែរ

សម្លការីខៀវត្រីសាម៉ុងនិងក្រអៅឈូក – ម្ហូបខ្មែរ

សម្លការីខៀវត្រីសាម៉ុងនិងក្រអៅឈូក ពិតជាអាហារពិសេសដែលឆ្ងាញ់អស្ចារ្យរបស់ជនជាតិខ្មែរ។ សម្លមួយមុខនេះគេអាចជ្រើសរើសត្រីបានច្រើនប្រភេទទៅតាមចំណង់ចំណូលចិត្ត។ គ្រឿងផ្សំអាហារខ្មែរ ៖ សម្លការីខៀវត្រីសាម៉ុងនិងក្រអៅឈូក ប្រេងឆាចំនួន២ស្លាបព្រា ត្រីសាម៉ុងយកឆ្អឹងចេញនិងកាត់ជាកង់ៗចំនួនកន្លះគីឡូ ខ្ទឹមសចិញ្ចាំំមចំនួន២ក្លែប ខ្ទឹមបារាំងហាន់រួចចំនួន១ ស្លឹកគ្រៃហាន់រួចចំនួនកន្លះកូនចានតូច ទឹកការីខៀវចំនួន១កំប៉ុង ទិះដូងចំនួន១កែវ ទឹក៣កែវ ក្រអៅឈូកលាងសម្អាតជាមួយទឹកត្រជាក់ហើយហាន់ជាកង់ៗ ទឹកត្រីចំនួន១ស្លាបព្រា ស្ករចំនួន១ស្លាបព្រា របៀបធ្វើ កំដៅខ្ទះឲ្យក្តៅ ពេលខ្ទះក្តៅហើយ ចាក់ប្រេងឆានិងដាក់ត្រីចូលចៀនរហូតដល់ត្រីឡើងពណ៍ត្នោតទាំងសងខាង ដាក់ខ្ទឹមស ខ្ទឹមបារាំង ស្លឹកគ្រៃ និងទឹកការីខៀវរួចកូរឲ្យស៊ប់ ដាក់ខ្ទិះដូងនិងទឹកចូលរួចដាក់ក្រអៅហើយកូរច្របល់គ្នា ថែមគ្រឿងដោយដាក់ទឹកត្រី ស្ករនិងស្ងោរដោយភ្លើងតិចៗប្រហែល២០នាទីរហូតដល់ត្រីឆ្អិនល្អ កត់សម្គាល់ សម្លការីខៀវជាទូទៅគេនិយមបរិភោគជាមួយបាយនិងនំបញ្ចុកបឬនំប៉័ងទៅតាមការចូលចិត្ត។ ម្ហូបនេះគេនិយមធើ្វសម្រាប់តែកម្មវីធីជួបជុំបងប្អូន ចូលឆ្នាំ និងវិធីបុណ្យផ្សេងៗ។ ម្ហូបខ្មែរពេញនិយមបន្ទាប់៖ សម្លការីត្រីផ្ទក់ជាមួយត្រប់ – ម្ហូបខ្មែរ

អានបន្ត »

សម្លការីត្រីផ្ទក់ជាមួយត្រប់ – ម្ហូបខ្មែរ

សម្លការីត្រីផ្ទក់ជាមួយត្រប់ – ម្ហូបខ្មែរ

សម្លការីត្រីផ្ទក់ជាមួយត្រប់ មានរសជាតិឆ្ងាញ់និងហិរបន្តិចលាយជាមួយរសជាតិខ្ទិះដូងព្រមទាំងផ្លែត្រប់គឺជាមុខម្ហូបដ៏ពេញនិយមរបស់ជនជាតិខ្មែរ។ សម្លប្រភេទនេះត្រូវបានជនជាតិខ្មែរតែងតែចំអិនក្នុងឱកាសចូលឆ្នាំមិនដែលខានឡើយសម្រាប់បរិភោគនិងទទួលភ្ញៀវ ជួបជុំបងប្អូនជិតឆ្ងាយ។ ជាទូទៅគេនិយមប្រើត្រីផ្ទក់ក្នុងការធ្វើម្ហូបមួយមុខនេះព្រោះវាមានរស់ជាតិឆ្ងាញ់ ក៏ប៉ុន្តែយើងក៏អាចប្រើត្រីប្រភេទផ្សេងក៏បាន។ គ្រឿងផ្សំអាហារខ្មែរ ៖ សម្លការីត្រីផ្ទក់ជាមួយត្រប់ ខ្ទឹមសចិញ្ចាំមរួចចំនួន២ក្លែប ស្លឹកគ្រៃហាន់រួចចំនួន៣ស្លាបព្រា ម្ទេសស្រស់ហាន់រួចចំនួន២ផ្លែឬដាក់តាមការចូលចិត្ត ម្សៅម្ទេសម៉ត់ (paprika) ចំនួនកន្លះស្លាបព្រា ម្សៅការីចំនួន១ស្លាបព្រា ប្រេងឆាចំនួន២ស្លាបព្រា ទឹក១កែវ ខ្ទិះដូង១កែវ ទឹកត្រី១ស្លាបព្រា អំបិលកន្លះស្លាបព្រាតូច ស្ករកន្លះស្លាបព្រា ត្រីផ្ទក់ចំនួន១លាងសម្អាតហើយកាត់ជាកង់ៗ ត្រប់ទ្រវែងចំនួន២ហាន់ជាកង់ៗ របៀបធ្វើ ដំខ្ទឹមស ស្លឹកគ្រៃ ម្ទេស ម្សៅម្ទេសបាគ្រីកានិងម្សៅការីត្បាល់ឬម៉ាស៊ីនកិនឲ្យម៉ត់ កំដៅខ្ទះឲ្យក្តៅ ពេលខ្ទះក្តៅហើយ ចាក់ប្រេងឆានិងគ្រឿងម្ទេសចូលហើយកូរឲ្យស៊ប់រួចហើយចាក់ទឹកនិងខ្ទិះដូងចូលតាមក្រោយ ថែមគ្រឿងដោយដាក់ទឹកត្រី អំបិលនិងស្កររួចកូរច្របល់ទាល់តែស៊ប់បន្ទាប់ដាក់ត្រីនិងត្រប់ទ្រវែងចូលក្នុងសម្លការី គ្របកំរបហើយចំអិនដោយភ្លើងតិចៗ ឩស្សាហ៏ត្រលប់ត្រីនិងត្រប់ឲ្យបានញឹកញ៉ាប់ ចំអិនរហូតដល់ត្រប់ឆ្អិនល្អ កត់សម្គាល់ សម្លការីជាទូទៅគេនិយមបរិភោគជាមួយបាយនិងនំបញ្ចុកបឬនំប៉័ងទៅតាមការចូលចិត្ត។ ម្ហូបនេះគេនិយមធើ្វសម្រាប់តែកម្មវីធីជួបជុំបងប្អូន ចូលឆ្នាំ និងវិធីបុណ្យផ្សេងៗ។ ម្ហូបខ្មែរពេញនិយមបន្ទាប់៖ សម្លការីបង្គាជាមួយតៅហ៊ូ – ម្ហូបខ្មែរ

អានបន្ត »

សម្លការីបង្គាជាមួយតៅហ៊ូ – ម្ហូបខ្មែរ

សម្លការីបង្គាជាមួយតៅហ៊ូ – ម្ហូបខ្មែរ

សម្លការីបង្គាជាមួយតៅហ៊ូ រួមផ្សំពីតៅហ៊ូខ្ទិះដូងគឺជាអាហាររបស់ប្រជាជានដែលរស់នៅក្នុងភូមិភាគឥណ្តូចិនជាពិសេសរបស់ប្រជាជនខ្មែរតែម្តង។ សម្លការីក្រហមគឺចំណាយពេលច្រើនក្នុងការរៀបចំនិង​ចំអិនពីព្រោះវាមានគ្រឿងច្រើនមុខ ប់ុន្តែវាមានរស់ជាតិឆ្ងាញ់ពិសេសណាស់។ គ្រឿងផ្សំអាហារខ្មែរ ៖ សម្លការីបង្គាជាមួយតៅហ៊ូ ប្រេងឆាចំនួន២ស្លាបព្រា ខ្ទឹមសចិញ្ចាំចំនួន១កូនចានតូច ខ្ទឹមបារាំងហាន់ជាដុំៗចំនួន១ ស្លឹកគ្រៃហាន់រួចចំនួន១កូនចានតូច ម្សៅគ្រឿងការីចំនួន១ឆុត ខ្ទិះដូង១កូនចានតូច ទឹកចំនួន២កែវ ទឹកត្រីចំនួន១ស្លាបព្រា ស្ករ១ស្លាបព្រា អំបិលកន្លះស្លាបព្រា ម្រេចចំនួនកន្លះស្លាបព្រា បង្គាបកសំបករួចហើយវះសម្អាតរួចចំនួន៥ខាំ តៅហ៊ូកាត់ជាដុំតូចៗចំនួន៤បន្ទះ របៀបធ្វើ កំដៅខ្ទះ នៅពេលឆ្នាំងសម្លក្តៅ ដាក់ប្រេងឆា ខ្ទឹមស ខ្ទឹមបារាំងនិងស្លឺកគ្រៃរួចកូរឲ្យស៊ប់ ដាក់គ្រឿងការី ខ្ទិះដូងនិងទឹករួចប្របល់ឲ្យស៊ប់ ថែមគ្រឿងដោយដាក់ទឹកត្រី ស្ករ អំបិលនិងម្រេច ដាក់បង្គា តៅហ៊ូហើយស្ងោរហូតដល់បង្គាឆ្អិនល្អ កត់សម្គាល់ សម្លការីជាទូទៅគេនិយមបរិភោគជាមួយគុយទាវ នំបញ្ចុក នំប៉័ងឬជាមួយបាយក៏បាន។ ម្ហូបខ្មែរពេញនិយមបន្ទាប់៖ សម្លការីឆ្អឹងជំនីជ្រូក – ម្ហូបខ្មែរ

អានបន្ត »

សម្លការីឆ្អឹងជំនីជ្រូក – ម្ហូបខ្មែរ

សម្លការីឆ្អឹងជំនីជ្រូក – ម្ហូបខ្មែរ

សម្លការីឆ្អឹងជំនីជ្រូក ជាមួយត្រប់មូលខៀវនិងត្រប់ទ្រវែងជាមួយកូនត្រប់តូចៗគឺមុខម្ហូបរបស់ប្រជាជនខ្មែរ ដែលតែងតែនិយមចំអិននៅពេលបុណ្យទានម្តងៗឬក្នុងកម្មវិធីផ្សេងៗ វាងាយស្រួលចំអិនហើយមានរស់ជាតិពិសេស។ គ្រឿងផ្សំអាហារខ្មែរ ៖ សម្លការីឆ្អឹងជំនីជ្រូក ប្រេងឆាចំនួន២ស្លាបព្រា ខ្ទឹមសចិញ្ចាំចំនួន៤ក្លែប ស្លឹកគ្រៃចំនួន១កូនចានតូច ខ្ទឹមបារាំងហាន់ជាដុំចំនួន១ ប៉េងប៉ោះកាត់ជាដុំៗចំនួន២ផ្លែ ឆ្អឹងជំនីជ្រូកកាត់ជាដុំចំនួន៥ខាំ ម្សៅការីចំនួន១ស្លាបព្រា ល្មៀតកិនម៉ត់ចំនួន១ស្លាបព្រា ទឹកត្រីចំនួន២ស្លាបព្រា ស្ករចំនួន១ស្លាបព្រា អំបិលចំនួនកន្លះស្លាបព្រា ម្រេចចំនួន១កូនស្លាបព្រាកាហ្វេ ខ្ទិះដូចងចំនួន១កែវ ទឹកចំនួន២កែវ ត្រប់មូលហាន់ជាពីររួចសម្អាតចំនួន៥ផ្លែ ត្រប់វែងបកសំបកហើយកាត់ជាដំុៗចំនួន៤ផ្លែ កូនត្រប់ខៀវតូចៗចំនួន២ខាំកន្លះ ស្លឹកក្រូចសើចចំនួន៣សន្លឹក របៀបធ្វើ កំដៅឆ្នាំងសម្លរួចដាក់ប្រេងឆា ខ្ទឹមស ស្លឹកគ្រៃ ខ្ទឹមបារាំងនិងប៉េងប៉ោះរួចកូរឲ្យស៊ប់ ដាក់ឆ្អឹងជំនីជ្រូក ម្សៅការី ម្សៅល្មៀត ទឹកត្រី ស្ករ អំបិលនិងម្រេចរួចច្របល់ឲ្យស៊ប់ ដាក់ខ្ទិះដូង ទឹក ត្រប់គ្រប់មុខនិងស្លឹកក្រូចសើចរួចកូរហើយចំអិនដោយប្រើភ្លើងតិចៗរហូតដល់ឆ្អឹងជំនីជ្រូកឆ្អិនល្អ កត់សម្គាល់ សម្លការីត្រប់គេនិយមបរិភោគជាមួយបាយ នំប៉័ងឬជាមួយនំបញ្ចុក់ក៏បាន ជាទូទៅគេនិយមធ្វើសម្លក្នុងកម្មវិធីឬពិធីបុណ្យផ្សេងៗ ។ ម្ហូបខ្មែរពេញនិយមបន្ទាប់៖ សម្លការីពោះគោ – ម្ហូបខ្មែរ

អានបន្ត »

សម្លការីពោះគោ – ម្ហូបខ្មែរ

សម្លការីពោះគោ – ម្ហូបខ្មែរ

សម្លការីពោះគោ គឺជាមុខម្ហូបដែលមានរសជាតិលាយផ្សំគ្នាជាមួយផ្លែត្រប់ មើមឈូកនិងខ្ទិះដូង វាគឺជាមុខម្ហូបដែលងាយស្រួលចម្អិននិងឆ្ងាញ់ពិសារដែលជាទីពេញនិយមរបស់ប្រជាជាននៅតាមជនបទ។ គ្រឿងផ្សំអាហារខ្មែរ ៖ សម្លការីពោះគោ ពោះគោត្រាំក្នុងទឹកខ្មេះរួចហើយកោសលាងសម្អាតជាមួយម្សៅសូដាចំនួន0.3 kg ទឹកចំនួន៦កែវ ប្រេងឆាចំនួន២ស្លាបព្រា ខ្ទឹមសហាន់ចំនួន៤ក្លែប ស្លឹកគ្រៃហាន់ចំនួន១កូនចានតូច សាច់គោហាន់ជាបន្ទះៗចំនួន 0.3 kg ម្សៅការីចំនួន ២ស្លាបព្រា ម្សៅម្ទេសប៉ាប្រីការ (paprika) ចំនួន១ស្លាបព្រាកាហ្វេ ស្ករចំនួន១ស្លាបព្រា ទឹកត្រីចំនួន២ស្លាបព្រា អំបិលចំនួន១ស្លាបព្រាកាហ្វេ ម្រេចចំនួន១សា្លបព្រាកាហ្វេ ផ្លែត្រប់កាត់ជាដុំចំនួន១ផ្លែ មើមឈូកស្ងោហាន់ជាបន្ទះចំនួន១កូនចាន ស្លឹកក្រូចសើចចំនួន២សន្លឹក ខ្ទិះដូងចំនួន១កែវ ស្លឹកខ្ទឹមហាន់ចំនួន១កូនចានតូច របៀបធ្វើ ដាក់ពោះគោនិងទឹកចំនួន៦កែវទៅក្នុងឆ្នាំងធំមួយហើយស្ងោចំនួនប្រហែល៣០នាទី បន្ទាប់មកចាក់ទឹកចេញហើយយកពោះគោត្រាំក្នុងទឹកត្រជាក់បន្ទាប់ហាន់វាជាបន្ទះៗ កំដៅឆ្នាំងសម្ល នៅពេលឆ្នាំងសម្លក្តៅហើយ ដាក់ប្រេងឆា ខ្ទឹមស ស្លឹកគ្រៃ បន្ទះសាច់គោនិងពោះគោច្របល់ឱ្យស៊ប់ ថែមគ្រឿងដោយដាក់ម្សៅការី ម្សៅម្ទេសប៉ាប្រីកា (paprika) ស្ករ ទឹកត្រី អំបិលនិងម្រេច ដាក់ផ្លែត្រប់ មើមឈូកនិងស្លឹកក្រូចសើច ដាក់ខ្ទិះដូងនិងទឹកចំនួន៤កែវហើយស្ងោរហូតដល់សាច់ឆ្អិនល្ម ដាក់ស្លឹកខ្ទឹមជាការស្រេច កត់សម្គាល់ …

អានបន្ត »

សម្លការីស្វាយសាច់គោ – ម្ហូបខ្មែរ

សម្លការីស្វាយសាច់គោ – ម្ហូបខ្មែរ

សម្លការីស្វាយសាច់គោ មានរសជាតិឆ្ងាញ់ពិសេសដែលជាទីពេញនិយមនៅតាមជនបទហើយមិនពិបាកចម្អិននោះទេ សម្រាប់អ្នកខ្លះចូលចិត្តចម្អិនដោយប្រើសាច់ក្របីជំនួសសាច់គោ ទោះប្រើសាច់គោឬសាច់ក្របីក៏ដោយវានៅតែមានរសជាតិឆ្ងាញ់ដូចគ្នា។ គ្រឿងផ្សំអាហារខ្មែរ ៖ សម្លការីស្វាយសាច់គោ សាច់គោ (សាច់ភ្លៅ) កាត់ជាដុំចំនួន 0.7 kg ទឹកស៊ីអីវចំនួន១ស្លាបព្រា ទឹកត្រីចំនួន១ស្លាបព្រា ស្ករចំនួន១ស្លាបព្រា ម្សៅម្ទេសប៉ាប្រីកា​ (paprika) ចំនួន១ស្លាបព្រា ម្សៅការីចំនួន២ស្លាបព្រា អំបិលចំនួន១ស្លាបព្រា ម្រេចចំនួន១ស្លាបព្រាកាហ្វេ ប្រេងឆាចំនួន២ស្លាបព្រា ខ្ទឹមសហាន់ចំនួន៣ក្លែប ខ្ទឹមបារាំងហាន់ជាបន្ទះៗចំនួន១ ស្លឹកគ្រៃហាន់ចំនួន១កូនចានតូច ស្លឹកក្រូចសើចចំនួន២សន្លឹក ខ្ទិះដូងចំនួន១កែវ ទឹកចំនួន៤កែវ ដំឡូងចិតសំបកចេញរួចកាត់ជាដុំចំនួន២ ផ្លែត្រប់ចិតសំបកចេញហើយហាន់ជាដុំចំនួន២ផ្លែ ស្វាយចាស់ហាន់ជាដុំចំនួន២ផ្លែ របៀបធ្វើ ដាក់សាច់គោនៅក្នុងចានជាមួយទឹកស៊ីអីវ ទឹកត្រី ស្ករ ម្សៅម្ទេសប៉ាប្រីកា (paprika) ម្សៅការី អំបិលនិងម្រេចរួចច្របល់ចូលគ្នាឱ្យស៊ប់ កំដៅឆ្នាំងសម្ល ពេលឆ្នាំងសម្លក្តៅហើយ ដាក់ប្រេងឆា ខ្ទឹមស ខ្ទឹមបារាំងនិងស្លឹកគ្រៃរួចកូរឱ្យស៊ប់ ដាក់សាច់គោដែលប្រហាក់គ្រឿងការីហើយ ស្លឹកក្រូចសើច ខ្ទិះដូងនិងទឹករួចច្របល់ឱ្យស៊ប់បន្ទាប់ចម្អិនរហូតដល់សាច់ឆ្អិនល្អ ដាក់ដំឡូងនិងផ្លែត្រប់ហើយចម្អិនរហូតដល់ដំឡូងឆ្អិនល្អ ដាក់ស្វាយចូលបន្ទាប់មកបន្តស្ងោរហូតដល់ទឹកពុះ កត់សម្គាល់ …

អានបន្ត »

ស្ងោរជ្រក់ត្រីជាមួយក្រូចឆ្មារ – ម្ហូបខ្មែរ

ស្ងោរជ្រក់ត្រីជាមួយក្រូចឆ្មារ – ម្ហូបខ្មែរ

ស្ងោរជ្រក់ត្រីជាមួយក្រូចឆ្មារ គឺជាម្ហូបដែលផ្សំដោយត្រី ស្លឹកគ្រៃ អង្ករ និងជីបង្កើតបានជារសជាតិម្យ៉ាងប្លែកហើយពេញនិយមសម្រាប់ជនជាតិខ្មែរជាពិសេសនៅតាមជនបទ ជាពិសេសទៅទៀតវាងាយស្រួលចំអិន។ គ្រឿងផ្សំអាហារខ្មែរ ៖ ស្ងោរជ្រក់ត្រីជាមួយក្រូចឆ្មារ ត្រីអណ្តែងលាងសម្អាតហើយកាត់ជាកង់ៗចំនួន១គីឡូ អង្ករផ្កាម្លិះលាងសម្អាតរួចចំនួន២ស្លាបព្រា ស្លឹកគ្រៃកាត់ជាកង់ៗរួចចងជាដុំចំនួនប្រហែល១គុម្ព ទឹក៤កែវ ទឹកត្រីចំនួន១ស្លាបព្រា ម្រេចចំនួនកន្លះស្លាបព្រា(ដាក់តាមចំណង់ចំណូលចិត្ត) ស្លឹកខ្ទឹមហាន់រួចចំនួន២គុម្ព ជីចំរុះមួយកូនចានតូច (ជីក្រហម ជីវ៉ាន់ស៊ុយ) ក្រូចឆ្មារចំនួនចំហៀង ដាក់តាមចំណង់ចំណូលចិត្ត របៀបធ្វើ ដាក់ត្រី អង្ករ ស្លឹកគ្រៃ និងទឹកក្នុងឆ្នាំងរួចស្ងោររហូតដល់អង្កររីកល្អ ថែមរសជាតិដោយដាក់ស្ករ ទឹកត្រី និងម្រេច ដាក់ស្លឹកខ្ទឹម ម្ទេសនិងជីគ្រប់មុខ ដាក់ក្រូចឆ្មារតាមការចូលចិត្ត កត់សម្គាល់ ស្ងោជ្រក់ត្រីត្រូវបានគេនិយមបរិភោគជាមួយបាយ។ សម្រាប់អ្នកចូលចិត្តជូរអាចថែមក្រូចឆ្មារបាន ហើយសម្រាប់អ្នកចូលចិត្តផ្អែមអាចដាក់ស្ករសថែម ទៅតាមចំណង់ចំណូលចិត្ត។ ម្ហូបខ្មែរពេញនិយមបន្ទាប់៖ សម្លប្រហិតត្រីជាមួយម្នាស់ – ម្ហូបខ្មែរ

អានបន្ត »