Thursday , August 6 2020

ប្រាសាទតាមន្តធំ ឬប្រាសាទតាមាន់ធំ – ប្រាសាទខ្មែរ

ប្រាសាទតាមន្តធំ ឬប្រាសាទតាមាន់ធំ – ប្រាសាទខ្មែរ ៖ ប្រាសាទ​តា​មន្ត​​ ជួន​កាល​ត្រូវ​បាន​គេ​ហៅ​ថា “ប្រាសាទ​តា​មាន់” ផង​ដែរ ព្រោះ​មាន​សម្លេង​ស្រដៀង​គ្នា ប៉ុន្តែ​ឈ្មោះ​ដែល​ត្រឹមត្រូវ​គឺ “ប្រាសាទ​តា​មន្ត” គឺ​ជា​ប្រាសាទ​មន្ត​អាគម ពុំ​មែន​ពាក់​ព័ន្ធ​នឹង​មាន់​ទា​អ្វី​ទេ ។ មាន​ប្រាសាទ​ចំនួន ២ ស្ថិត​នៅ​ក្បែរ​គ្នា​គឺ​ប្រាសាទ​តាមន្ត​តូច និង​ប្រាសាទ​តាមន្ត​ធំ ដែល​យើង​លើក​មក​និយាយ​ខាងក្រោម​នេះ ។

ប្រាសាទតាមន្តធំ ឬប្រាសាទតាមាន់ធំ - ប្រាសាទខ្មែរ

ប្រាសាទ​តា​មន្ត​ធំ គឺ​ជា​ស្នាដៃ​ល្អ​ឯក​របស់​បុព្វបុរស​ខ្មែរ ស្ថិត​នៅ​លើ​ជម្រាល​នៃ​ជួរ​ភ្នំ​ដងរែក ស្ថិត​នៅ​ក្នុង​ឃុំ​គោកមន ស្រុក​​បន្ទា​យអម្ពិល ខេត្ត​ឧត្ដរមានជ័យ ឈម​នឹង​ឃុំ​បាក់ដៃ ស្រុក​ភ្នំដុងរ៉ាក់ ខេត្ត​សុរិន្ទ​របស់​សៀម ។ ប្រាសាទ​នេះ​ត្រូវ​បាន​សាងសង់​ឡើង​​ក្នុង​សតវត្សរ៍​ទី​១១ ពី​ថ្ម​បាយ​ក្រៀម​លាយ​ថ្ម​ភក់​ដោយ​ព្រះ​បាទ​សុរិយវរ្ម័ន​ទី​១ ​បែរ​មុខ​ទៅ​ទិស​ខាងត្បូង​តម្រូវ​ទៅ​តាម​ភូមិសាស្ត្រ​ខ្ពង់រាប​នៅ​តំបន់​នោះ ​ដែល​មាន​ចម្រាក់​បែរ​ទៅ​ខាងត្បូង ។

ប្រាសាទតាមន្តធំ ឬប្រាសាទតាមាន់ធំ - ប្រាសាទខ្មែរ

ប្រាសាទ​នេះ​​ប្រកប​ទៅ​ដោយ​ក្បូរក្បាច់​រចនា​ដ៏​ល្អ​ប្រណីត ហើយ​មាន​ប្រជាប្រិយភាព​គួរ​ជាទី​ចាប់​អារម្មណ៍​បំផុត ។ ភាព​អស្ចារ្យ​នៃ​ប្រាសាទ​តា​មន្ត​ធំ​ល្បីរន្ធឺ​នៃ​សាសន៍​ស្ថាន​នេះ​គឺ​ បណ្ដាល​មក​ពី​កត្តា​ជា​ច្រើន​យ៉ាង​ ដូច​ជា​ ភាព​វិសេស​វិសាល​នៃ​ទី​តាំង​ប្រាសាទ និង​ស្ថានភាព​ភូមិ​សាស្ត្រ​ដោយ​គួប​ផ្សំ​ទៅ​នឹង​ជំនឿ​លើ​អច្ឆរិយ​វត្ថុ​ ក្នុង​ប្រព័ន្ធ​គំនិត​ខ្មែរ​នា​សម័យ​មហាអង្គរ​ដែល​នៅ​ដិត​ដាម​ជាប់​នៅ​ឡើយ​ ក្នុង​ទំនៀម​ទម្លាប់​របស់​អ្នក​ស្រុក​សៀម​ដើម​កំណើត​ខ្មែរ​នៅ​ក្នុង​ប្រទេស​ សៀម​សព្វ​ថ្ងៃ​នេះ ។

ប្រាសាទតាមន្តធំ ឬប្រាសាទតាមាន់ធំ - ប្រាសាទខ្មែរ

ទេវស្ថាន​ដ៏​មាន​សារសំខាន់​នេះ​គឺ​ជា​ក្រុម​ប្រាសាទ​តូច​ធំ​ជា​ច្រើន​មាន​ប្រាង្គ​នៅ​ចំ​កណ្ដាល​ធំ​ជាង​គេ​តំណាង​ឲ្យ​ភ្នំ​សុមេរុ ដែល​ជា​ចន្ទល់​នៃ​ចក្រវាល​ក្នុង​លោកធាតុ​វិទ្យា​ឥណ្ឌា‑ខ្មែរ ហើយ​ក៏​ជា​កន្លែង​ដ៏​ស័ក្តិសិទ្ធិ​ជាង​គេ​ផង​ដែរ ។ ភាព​សក្តិសិទ្ធិ​នៃ​ប្រាសាទ​តា​មន្ត​ធំ​នេះ​ ក៏​ត្រូវ​បាន​ឆ្លុះ​បញ្ចាំង​ផង​ដែរ​តាម​រយៈ​ថ្ម​ធម្មជាតិ​មួយ​ដែល​មាន​ លក្ខណៈ​សើម​ដោយ​ខ្សែ​ទឹក​ដែល​ផុស​ចេញ​ពី​បាត​ភ្នំ ៕

អត្ថបទពេញនិយម ៖ ប្រាសាទព្រះខ័ន – ប្រាសាទខ្មែរ

អំពី រក្សា

សូមអានអត្ថបទនេះ

វត្តព្រះវិហារប្រាំពីរល្វែង - ប្រាសាទខ្មែរ

វត្តព្រះវិហារប្រាំពីរល្វែង – ប្រាសាទខ្មែរ

វត្តព្រះវិហារប្រាំពីរល្វែង – ប្រាសាទខ្មែរ ៖ វត្ត​ព្រះវិហារប្រាំពីរល្វែង ស្ថិត​ក្នុង​ក្រុង​អង្គរធំ ខេត្ត​សៀមរាប នៅ​ពីក្រោយ​ប្រាសាទ​សួរព្រ័ត្រ​ នៅ​ខាងស្ដាំដៃ​នៃ​ផ្លូវ​ចេញ​ពី​ព្រលាន​ជល់ដំរី​ឆ្ពោះ​ទៅ​កាន់​ទ្វារជ័យ ។ ធាតុ​សំខាន់​បំផុត​នៃ​វត្ត​ព្រះវិហារ​ប្រាំពីរ​ល្វែង​នេះ គឺ​ពុទ្ធបដិមា​មួយ​អង្គ​មាន​ឈ្មោះថា «ជ័យពុទ្ធ​មហានាថ» ដែល​ដើម​ឡើយ​ត្រូវ​បាន​គេ​តម្កល់​នៅ​ក្នុង​ប្រាង្គ​កណ្ដាល​នៃ​ប្រាសាទ​បាយ័ន ប៉ុន្តែ​ត្រូវ​បាន​គេ​វាយ​កម្ទេច​ …

Leave a Reply

Your email address will not be published. Required fields are marked *