និយមន័យ សុភាសិតខ្មែរអធិប្បាយ ៖ ចុះទឹកក្រពើ ឡើងលើខ្លា ៖ ងាកទៅផ្លូវណាក៏មានបញ្ហាដូចគ្នា ។
អត្ថាធិប្បាយ ចុះទឹកក្រពើ ឡើងលើខ្លា
អត្ថានុរូប
ក្នុងដំណើរមួយដែលគេត្រូវទៅដោយចាំបាច់ ប៉ុន្តែបើធ្វើដំណើរតាមផ្លូវទឹក គេនឹងជួបហ្វូងក្រពើជាច្រើន ។ បើគេធ្វើដំណើរតាមផ្លូវគោកវិញ គេក៏ជួបនឹងសត្វខ្លាកំណាចដែរ ។ ដូច្នេះ បើគេងាកទៅតាមផ្លូវណាក៏មានបញ្ហាដែលត្រូវដោះស្រាយដូចគ្នា ។
អត្ថប្បដិរូប
ការរស់នៅក្នុងសង្គមមនុស្ស រមែងតែងជួបប្រទះនូវករណីដែលពិបាកដោះស្រាយ ព្រោះងាកទៅខាងណាក៏ជួបនឹងបញ្ហាដូចគ្នា ។
ឧទាហរណ៍ៈ បុរសម្នាក់មានរឿងក្ដីក្ដាំត្រូវឡើងតុលាការ ។ គេគិតពិចារណាថាតើត្រូវទៅតាមផ្លូវណា បើឡើងតុលាការក៏គេត្រូវចាយលុយ បើងាកទៅរកលោកធំជាបង្អែកក៏គេត្រូវអស់លុយដូចគ្នា ។
សុភាសិតអធិប្បាយពេញនិយមបន្ទាប់៖ ចេះឲ្យគេកោត ឆោតឲ្យគេអាណិត – សុភាសិតខ្មែរអធិប្បាយ